Didi
C'est la vie.
Për një shumë prej 3 milion lekësh Muzeu Historik i qytetit të Vlorës edhe për këtë sezon turistik mbetet i pavizitueshëm. Pas rikonstruksionit total të godinës që është Monument Kulture i Kategorisë së Parë, fondi prej më shumë se 200 objektesh arkeologjike qëndron në tokë pasi mungojnë stendat e ekspozimit. Projekti për vendosjen e tyre kapte vlerën e 6 milion lekëve, gjysmën e kësaj vlere e ka financuar bashkia e qytetit, ndërsa gjysma tjetër pritet nga ministria e linjës. Po ashtu, kushtet në të cilat mbahen objektet arkeologjike rrezikojnë ruajtjen e tyre. Një numër i vogël turistësh të huaj vizitojnë vendin tonë gjatë sezonit veror për plazhet. Sipas agjencive turistike, interesi i tyre është i përqendruar tek turizmi kulturor. Pamundësia për të vizituar muzeun që tregon historinë e Vlorës nuk pritet mirë prej tyre. Tashmë pritet që miratimi i fondit të nevojshëm për funksionalizimin e muzeut historik të Vlorës të bëhet pas muajit shtator me formimin e qeverisë së re. Të njëjtin shqetësim ngrenë edhe autoritetet lokale të qytetit të Lezhës. Turistët e huaj, nuk kanë mundësi të njohin historinë e saj nëpërmjet një muzeu, ndërtimi i të cilit ka mbetur vetëm një projekt në letër. Prej 23 vjetësh, gjetjet e ekspeditave në të gjithë zonën qëndron në magazinën e bibliotekës së qytetit. Janë mbi 810 objekte që rrezikojnë të shkatërrohen nga lagështira. Mungesa e muzeut sipas kryetari të bashkisë Viktor Tushaj është një dëm i madh që i bëhet turizmit kulturor. Turizmi kulturor në Lezhë shtrihet përgjatë gjithë vitit ku peshën kryesore të turistëve e zënë grupet e huaja, por edhe shqiptarët nga Kosova dhe Maqedonia.
vizionplus.tv
Redaktimi i fundit: