VLORث – “Kam për t’ju vrarë vajzën dhe gruan, nëse nuk i jepni zgjidhje siç duhet çështjes”. Ky është teksti që Mentor Mustafaraj i ka dërguar kryetarit të Gjykatës së Vlorës, Artur Malaj, i cili gjykonte një çështje civile të shokut të Mustafarajt, shtetasit Astrit Alushi, shkruan sot gazeta "Shqiptarja.com"
Kërcënimi i erdhi nëpërmjet një SMS-je, ku pas denoncimit në polici brenda një jave është bërë identifikimi dhe arrestimi i Mustafaraj, i cili njihet në Vlorë si person me precedentë penalë.
Mentor Mustafaraj akuzohet për “Kanosje të Gjyqtarit” parashikuar nga neni 317 i Kodit Penal. Ndërsa në lidhje me cështjen u shoqëruan dhjetra persona.
Sot në Gazeta Shqiptarja.com do të lexoni dhe intervistën që kryegjyqtari dha për gazetën, dhe historinë e sajuar të Mustafarajt për një tjetër gjyqtar të këtij qyteti.
Policia ndoqi cështjen me seriozitet duke pasur parasysh se vetëm në shtator të vitit të kjaluar një gjyqtar i kësaj gjykate u ekzekutua me tritol në mënyrë mafioze mu në mes të qytetit. Gjyqtari Skerdilajd Konomi u ekzekutua më 9 shtator 2011, dhe deri tani ende nuk ka ndonjë të arrestuar në lidhje me këtë vrasje.
Burimi:Shqiptarja.com