Arfenilla
Themelues i Forumit
Telefoni juaj mund të zbulojë shumë për të ardhurat tuaj, madje edhe të parashohë se në cilën pjesë të qytetit jetoni.
Kjo është bërë e mundur në bazë të disa hartave të reja nga qytetet më të mëdha botërore ku thuhet se në zonat e pasura gjasat për përdorim të iPhone-it janë shumë të mëdha, ndërsa në zonat e varfra më së shumti përdoren telefona me Android.
Këto harta janë përpiluar në bazë të të dhënave nga prodhuesit e aplikacioneve dhe reklamuesit, të cilët thonë se përdoruesit e iPhone-ve shkarkojnë dhe shpenzojnë shumë më shumë në aplikacione në krahasim me përdoruesit e Androidit.
Viteve të fundit, Androidi është adoptuar nga shumë prodhues të telefonave të mençur me çmime të lira ku mund të shkarkoni shumë aplikacione pa pagesë.
Ndërkaq Apple, nga ana e tjetër, ende i detyron përdoruesit e saj të paguajnë çmime të larta për produktet e saja – madje edhe iPhone 5C, që konsiderohet si pajisje e lirë e Apple, është shumë më e shtrenjtë sesa shumica e pajisjeve Android.
Hulumtuesit kanë zbuluar gjithashtu se përdoruesit e Androidit shumë më pak shkarkojnë dhe përdorin aplikacione.
Edhe përkundër faktit se Androidi ka 80 për qind të tregut në disa vende, ndërtuesit e aplikacioneve prapëseprapë thonë se fitojnë dyfish më shumë para nga përdoruesit e iPhone në krahasim me përdoruesit e Androidit.
Sipas shifrave të fundit, në total janë shkarkuar 50 miliardë aplikacione nga Apple App Store, rreth 2 miliardë më shumë se që janë shkarkuar aplikacione nga Google Play (48 miliardë).
Këto harta janë krijuar nga “MapBox” dhe “Gnip”. Secili brend i telefonit është i paraqitur me ngjyra të ndryshme.
Përdoruesit e iPhone-ëve janë të paraqitur me ngjyrën e kuqe dhe janë të vendosur në zonat e pasura, ndërsa telefonat me Android paraqiten me ngjyrë të gjelbër dhe dominojnë në zona më të varfra.
KOHA.net
( te gjithe me iphon )
