Love
βeℓℓe â๓e
Shqipëria mbetet një nga vendet ku gjendja e nënave dhe femrave në përgjithësi lë ende për të dëshiruar, krahas arritjeve për ridimensionimin e tyre në shoqëri. Të paktën kështu citohet në raportin më të fundit të publikuar nga organizata prestigjioze ndërkombëtare “Save the Children” i titulluar “Mother’s Index”, sipas të cilit, vendi ynë renditet i fundit në listën e vendeve në zhvillim për sa i përket situatës aktuale në të cilën gjendet kategoria e nënave.
Konkretisht, në raportin ku citohet gjendja e grave në 164 vende të botës, Shqipëria renditet në pozicionin e 43-të, dhe njëkohësisht e fundit në listën e vendeve të zhvilluara.
Në kuadër të jetesës së nënave dhe grave, Shqipërinë e lanë pas edhe vendet e rajonit si Maqedonia, Serbia, Bosnja, Rumania, Bullgaria, Greqia dhe Italia. Ndër të tjera, për Shqipërinë, në këtë raport thuhet se rreziku i vdekshmërisë së nënës, sipas të dhënave më të fundit është 1 në 1 mijë e 700 të tilla.
Sikundër, citohet edhe fakti se vetëm 22 për qind e femrave përdorin metodat kontraceptive.
Nga ana tjetër, raporti i “Save the Children”, tregon edhe të dhëna mbi aspektet shoqërore të femrave shqiptare, duke pohuar se 11 është numri mesatar i viteve të shkollimit të tyre, ndërsa 16 për qind është norma e përfaqësimit të tyre në qeverisje dhe pushtetet në tërësi.
Në këtë raport të detajuar saktësohej se aktualisht në botë, 1 mijë nëna në ditë vdesin gjatë lindjeve.
“اdo ditë në botë, një mijë nëna dhe dy mijë fëmijë vdesin nga komplikacionet gjatë procesit të lindjes. Kjo është një e dhënë tjetër tronditëse që jepet në raportin ‘Mother’s Index’ të ‘Save the Children’”, thuhet në raport.
Në të theksohej se mbi 48 milionë gra në mbarë botën lindin një fëmijë pa asnjë ndihmë profesionale dhe në vetmi totale, pa asnjë anëtar të familjes pranë tyre. Krahas vendeve ku jetesa e femrave lë shumë për të dëshiruar, në raport nuk lihen pa u përmendur edhe Norvegjia, Australia, Islanda, Suedia, Danimarka, Zelanda e Re, Finlanda, Belgjika, Holanda dhe Franca, të cilat konsiderohen si shtetet ku nënat jetojnë më mirë se në të gjitha vendet e tjera të botës.
Në fund të këtij raporti, shtohet se ka edhe një shtet, që konsiderohet si tmerri i të gjitha nënave. Ai është Afganistani.
Burimi: G.Shqip
per keto nenat 
